بةرنامةي ليست

بةرنامةي ليست
به‌رنامه‌ی لیستی 104 ی كۆمه‌َڵی ئیسلامی

شريتي هةوال

لاإلهَ إلا الله مُحَمَّدٌ رَسولُ الله

السبت، 28 سبتمبر، 2013

کۆمەڵی ئیسلامیی و یەکگرتووی ئیسلامیی: ئەنجامەکانی کۆمیسیۆن رەت دەکەینەوە



کۆمەڵی ئیسلامیی و یەکگرتووی ئیسلامیی ...

ئاژانسی کۆمەڵنیوز:

وتەبێژی کۆمەڵی ئیسلامیی رایدەگەیەنێت،  لەیەک دەنگی خۆمان خۆش نابین و  ئەندامێکی مەکتەبی سیاسی یەکگرتوو ئەنجامە
بەراییەکانی کۆمسیۆن بۆ یەکگرتوو ڕەت دەکاتەوە و ڕایدەگەیەنێت کە زۆر لەو ڕیژەیەی کۆمسیۆن زیاتریان ھێناوە.

محمد حه‌كیم، وته‌بێژی كۆمه‌ڵی ئیسلامی كوردستان رایگه‌یاند: ئه‌و ئه‌نجامه‌ی كۆمسیۆن رایگه‌یاندووه‌ زۆر كه‌متره‌ له‌و ژماره‌یه‌ی كه‌ له‌بریكاره‌كانمانه‌وه‌ پێمان گه‌یشتووه‌، بۆیه‌ دوای‌ ڕاوێژ له‌گه‌ڵ لایه‌نه‌كانی ئۆپۆزسیۆندا تانه‌ له‌ئه‌نجامی هه‌ڵبژاردنه‌كان ده‌ده‌ین.

وته‌بێژی‌ كۆمه‌ڵی‌ ئیسلامی‌ ئاماژه‌ به‌وه‌ده‌كات، دوای‌ ده‌ركه‌وتنی‌ ئه‌نجامی‌ ئه‌و تانه‌ی‌ له‌ ئه‌نجامی‌ ده‌نگدانه‌كه‌ی‌ ده‌ده‌ن، دواهه‌ڵوێستی
خۆیان له‌سه‌ر ئه‌نجامی‌ هه‌ڵبژاردنه‌كان راده‌گه‌یه‌نن.

پێشتریش وتەبێژی کۆمەڵ رایگەیاندبوو، ھەموو لایەک ئاگاداردەکەینەوە کە لەیەک دەنگی خۆمان خۆش نابین.

هەروەک ئەبوبەکر ھەڵەدنی ئەندامی مەکتەبی سیاسی یەکگرتووی ئیسلامی کوردستان و کاندیدی لیستی یەکگرتوو بۆ ئەندامێتی
پەرلەمان لە لێدوانێکدا بۆ ماڵپەڕی رەسمی حزبەکەی رایگەیاند : ئێمە بەو ئەنجامانەی کۆمسیۆن ڕازی نین کە بۆ
 یەکگرتووی ئیسلامی کوردستان دانراوە و بەپێ ی ڕاپۆرتی نوێنەرەکانمان کە ڕێژەی دەنگدانەکانیان لە بنکەکاندا تۆمار کردووە
 زۆر لەوە زیاترە کە ڕاگەیەنراوە.

ئەندامەکەی مەکتەبی سیاسی یەکگرتووی ئیسلامی کوردستان وتیشی "داواکارین کۆمسیۆن چاوێک بە دەنگەکان و ئەنجامەکاندا
 بخشێنێتەوە و لە داھاتووشدا قسەی خۆمان دەبێت".

جێی ئاماژەیە ئێوارەی رۆژی شەممە کۆمسیۆنی باڵای سەربەخۆی ھەڵبژاردنەکان ئەنجامە بەرایی دەنگدانی ڕاگەیاند و بەپێی
ئەنجامەکانی کۆمسیۆن : پارتی دیموکراتی کوردستان(٧١٩٠٠٤)دەنگ و بزوتنەوەی گۆڕان(٤٤٦٠٩٥)دەنگ و یەکێتی نیشتیمانی کوردستان(٣٢٣٨٦٧)دەنگ و یەکگرتووی ئیسلامی کوردستان(١٧٨٦٨١)دەنگ و کۆمەڵی ئیسلامی کوردستان(١١٣٢٦٠)دەنگ و
 بزوتنەوەی ئیسلامی(٢٠٧٩٥)دەنگ و سۆسیالیست(١١٨٢٦)دەنگ و شیوعی(١١٧٩٨)دەنگیان بەدەست ھێناوە.

کۆمسیۆن ئەوەشی خستە ڕوو ئەم ڕێژانە لە ٩٥%دەنگە جیاکراوەکانن و ئەوەشی کەماوە زۆر کاریگەری لەسەر ئەنجامەکان نابێت.

ليست هناك تعليقات:

إرسال تعليق