بةرنامةي ليست

بةرنامةي ليست
به‌رنامه‌ی لیستی 104 ی كۆمه‌َڵی ئیسلامی

شريتي هةوال

لاإلهَ إلا الله مُحَمَّدٌ رَسولُ الله

السبت، 14 سبتمبر، 2013

مامۆستا عەلی باپیر لە گەرمیان: ئەگەر خەڵکی کوردستان ئازاد بێت جگە لە ئیسلام هیچ بەرنامەیەکیتر قبوڵ ناکات




ئاژانسی کۆمەڵنیوز:

ئێوارەی ئەمرۆ لە شاری کەلار ڤسیتیڤاڵی پرتەقاڵیی گەرمیانییەکان بۆ پشتیوانی لیستی ١٠٤ی کۆمەڵی ئیسلامیی بەڕێوە چوو.

لە ڤیستیڤاڵەکەدا کە بە بەشداری هەزاران کەس وباوکی شەهید بیلال و سەرۆک و کاندیداکانی لیستی کۆمەڵی ئیسلامیی بەڕێوەچوو، مامۆستا عەلی باپیر ئەمیری کۆمەڵی ئیسلامیی وتارێکی گرنگی پێشکەش کرد.

لە وتارەکەیدا ئەمیری کۆمەڵی ئیسلامیی رایگەیاند: بە حەلوا حەلوا دەم شیرین نابێ! دەبێ بە کردەوە تەرجەمەی بکەین کە مسوڵمانین و بیر بکەینەوە لە بارە لارەکەمان و بیر بکەینەوە لە چاکسازی و پاکسازی لەم هەرێمەدا.
وتیشی: لەو کەسانە بترسن کە لە خوا ناترسن
ئەمیری کۆمەڵ وتیشی: هەتا زیاتر خەڵک بەشداری هەڵبژاردن بکات ئەوا رێگەی تەزویر و ساختەکاری کەمتر دەبێتەوە ئەگینا هەرکەس بەشداری هەڵبژاردن نەکات دەنگەکەی دەکرێتە تەزویر.
مامۆستا عەلی باپیر وتیشی:  کاروانی کۆمەڵی ئیسلامیی نەیکردووە بە عادەت خوو بگرێت بە شێوازێکی کارکردنەوە و نەیگۆڕێت ،
وتیشی: وەک کۆمەڵی ئیسلامیی لە هەرێمەدا توشی زۆرترین پێشێلکاری و ماف فەوتان بوینەتەوە بەڵام مادام لەبەر خاتری خوا و گەلی خۆمان بووە باکمان نیە
جەختیکردەوە: ئەگەر لە رابردوودا بە ٤ ئەندامی پەرلەمان لێهاتوویمان دەرکەوتبێ ئەوا بە ١٠ پەرلەمانتار و ٢٠ پەرلەمانتار زیاتر و چالاکانەتر دەتوانین خزمەت بکەین
مامۆستا عەلی باپیر راشیگەیاند: ئیسلامییەکان لە هەموو کەس زیاتر سودمەندن لە هەڵبژاردنەکان
ئەمیری کۆمەڵی ئیسلامیی وتیشی: کاتێک خەڵک دەنگ ئەدات بە کەسانێک بە متمانەی بە رەوشت و ئەخلاق و دینیان هەیە ئەوا مومارەسەی حاڵەتی ئاسایی خۆیان دەکەن.
وتیشی: لە رابردوودا ئەگەر خەڵک لە ژێر بەیداخی مارکسیزم و کەپیتالیزم و چی و چیزمدا خەباتی کردووە ئێمە لە ژێر بەیداخی لا اله الا الله و محمد رسول الله دا خەباتمان کردووە.
ئەمیری کۆمەڵی ئیسلامیی وتیشی: ئەگەر خەڵکی کوردستان ئازاد بێت جگە لە ئیسلام هیچ بەرنامەیەکیتر قبوڵ ناکات

ليست هناك تعليقات:

إرسال تعليق